SAPPULU PITU
AGUSTUS
On ma ari paduahon na umbalga asing ni na martaun baru.
Andorang so niihutan upacara di Tano lapang, mar taptu ma sude akka parsikkola dohot wakil ni pamaretta. Ari Hamonangan ma ninna goarnion. Marningot ma sude di na monang akka pahlawan manaluhon musu na sian Jepang dohot sibontar mata sian bolanda.
Di na mar taptu on, masibuan obor na be ma. Ai di golap ari do na mardalan on. Marhaliang ma hami di sian Laguboti kota sahat tu Sibuea.
Maccai las do roha mandohoti on. Nian molo naeng marnatal pe dipamasa do martaptu. Alai tikki on do natumabo. Ala huhut do nidohan "Merdekaa". Huhut ma marendei hami asa unang be nihilala naung loja pat mardalan.
Dipaihut-ihut guru ma hami, ala sipata sai adong do dongan na takkang. Digugai akka na di lambungna. Dipadais-dais obor na i tu obuk ni donganna. Sipata diimbusi ma obor niba. Alai sipata olo do iba mambaen sisongoni tu dongan. Ido tamba ni riburna.
Nang pe ro rimbus, nigogohon do torus na mardalan i. Dang nihilala na ngali. Attar Hira pejuang do pakkilalaan niba di namaniop obor i.
Salpu ma borngin. Nga sidung be na martaptu. Mulak be ma tu jabuna. Niparsiappon ma muse na rikkot tu ari marsogot di tanggal sappulu pitu i. Pahean lao upacara. Rade Nang takkuluk. Nipaias dohot sipatu ai marpungu do sakecamatan di lapangan. Pajuppang dohot akka dongan Sian sikkola na asing. Parsadarian ma pakkeon sipatu on.
Mulak martaptu, mamittor ma hami tu perumahan ni guru. Marborngin ma disi, ala manogotnai ikkon do iba lao tu salon. Ikkon marsasak do sude na martumba. Alani Dao ni Huta nami Janjimaria tu Laguboti, dijabu ni guru ma iba modom. Asa jumonok.
Sidung marsasak, marpahean martumba ma iba huhut marulos. Akka lopes i pe sian ulos do dipatupa. Pinakke ma rodi sortali. Uli ma tahe. Jala las do roha molo dipillit guru iba martumba. Prestasi na balga do i. Di si ma berengon akka pejabat, camat rodi Kapala dinas na manumbang akka partumba. Nipagogo ma pangeol niba asa lam godang dapotan hepeng. Papunguon ni guru ma hepeng on. Jala dileon ma di akka partumba na boi palas roha. Otik pe i alai nga tung maccai balga situtu las ni roha.
TARINGOT TU NA MANGALAP AEK
Tikki dakdanak, mancai las do roha molo ditogihon tu mual. di topi dalan do inganan ni mual on. Jai ala di dolok do huta nami, tar hira na tuat tu kota do pakkilalaan molo lao mangalap aek. Jolo manucci piring dohot abit ma omak niba. huhut ma martapian hami dibaen. sidung i, ala etek dope akka iboto niba, pittor oppaon ma i sahalak naummetek asa unang dipargulu be akka tano. Naung boi marikkati, ikkon togu on do torus, asa unang lao tu dalan i. Hut do dituhor Oma karupuk nanggo apala Sada be. asa adong lalap-lalap paima sidung Nasida manussi Abit. Ibotokku naung margogo, ima na jotjot manarui Aek mangisi tu jerekken "jirigen". Sorong do baenonna mambuan jerekken on. Ditibbai ma aek i sampe gok 3 jerekken lao siboanonna. sidung i maradi ma di hundul-hundulan di labbung ni mual i mual taganing didok goarna.
Molo tangis ma huoppa on, pittor marlojong ma omak nami. Ai Attar mauas do attong sidung maridi. Dipainum majo satokkin. Ditorushon muse manussi. Tar Hira nung naeng bot do mataniari asa mulak hami. Omak ma makkutti Abit i huhut maroppa ibotokku na huoppa nakkin. Anggo au holan piring do sihuttionku, alai jotjot do ditambahi aek di bagas ebber ni piring i. Dokdok ma attong. mangappir ma dugul-dugul. Tung apala nanget-nanget do iba mangalakka, mabiar unang marusean akka Aek i.
Damang naung mulak mangaligi hauma ma makkehei buan-buanki. Anggo among nga jolo martapian di mual na jonok tu hauma i. Mamittor marlojong ma iba tu pardahanan Lao mangaloppa indahan. Huhut ma iba manutu lasiak asa adong donganni loppan Lao mangan.
Songonima masa manipat ari.
BADA DI HALAK HITA
On ma ari paduahon na umbalga asing ni na martaun baru.
Andorang so niihutan upacara di Tano lapang, mar taptu ma sude akka parsikkola dohot wakil ni pamaretta. Ari Hamonangan ma ninna goarnion. Marningot ma sude di na monang akka pahlawan manaluhon musu na sian Jepang dohot sibontar mata sian bolanda.
Di na mar taptu on, masibuan obor na be ma. Ai di golap ari do na mardalan on. Marhaliang ma hami di sian Laguboti kota sahat tu Sibuea.
Maccai las do roha mandohoti on. Nian molo naeng marnatal pe dipamasa do martaptu. Alai tikki on do natumabo. Ala huhut do nidohan "Merdekaa". Huhut ma marendei hami asa unang be nihilala naung loja pat mardalan.
Dipaihut-ihut guru ma hami, ala sipata sai adong do dongan na takkang. Digugai akka na di lambungna. Dipadais-dais obor na i tu obuk ni donganna. Sipata diimbusi ma obor niba. Alai sipata olo do iba mambaen sisongoni tu dongan. Ido tamba ni riburna.
Nang pe ro rimbus, nigogohon do torus na mardalan i. Dang nihilala na ngali. Attar Hira pejuang do pakkilalaan niba di namaniop obor i.
Salpu ma borngin. Nga sidung be na martaptu. Mulak be ma tu jabuna. Niparsiappon ma muse na rikkot tu ari marsogot di tanggal sappulu pitu i. Pahean lao upacara. Rade Nang takkuluk. Nipaias dohot sipatu ai marpungu do sakecamatan di lapangan. Pajuppang dohot akka dongan Sian sikkola na asing. Parsadarian ma pakkeon sipatu on.
Mulak martaptu, mamittor ma hami tu perumahan ni guru. Marborngin ma disi, ala manogotnai ikkon do iba lao tu salon. Ikkon marsasak do sude na martumba. Alani Dao ni Huta nami Janjimaria tu Laguboti, dijabu ni guru ma iba modom. Asa jumonok.
Sidung marsasak, marpahean martumba ma iba huhut marulos. Akka lopes i pe sian ulos do dipatupa. Pinakke ma rodi sortali. Uli ma tahe. Jala las do roha molo dipillit guru iba martumba. Prestasi na balga do i. Di si ma berengon akka pejabat, camat rodi Kapala dinas na manumbang akka partumba. Nipagogo ma pangeol niba asa lam godang dapotan hepeng. Papunguon ni guru ma hepeng on. Jala dileon ma di akka partumba na boi palas roha. Otik pe i alai nga tung maccai balga situtu las ni roha.
TARINGOT TU NA MANGALAP AEK
Tikki dakdanak, mancai las do roha molo ditogihon tu mual. di topi dalan do inganan ni mual on. Jai ala di dolok do huta nami, tar hira na tuat tu kota do pakkilalaan molo lao mangalap aek. Jolo manucci piring dohot abit ma omak niba. huhut ma martapian hami dibaen. sidung i, ala etek dope akka iboto niba, pittor oppaon ma i sahalak naummetek asa unang dipargulu be akka tano. Naung boi marikkati, ikkon togu on do torus, asa unang lao tu dalan i. Hut do dituhor Oma karupuk nanggo apala Sada be. asa adong lalap-lalap paima sidung Nasida manussi Abit. Ibotokku naung margogo, ima na jotjot manarui Aek mangisi tu jerekken "jirigen". Sorong do baenonna mambuan jerekken on. Ditibbai ma aek i sampe gok 3 jerekken lao siboanonna. sidung i maradi ma di hundul-hundulan di labbung ni mual i mual taganing didok goarna.
Molo tangis ma huoppa on, pittor marlojong ma omak nami. Ai Attar mauas do attong sidung maridi. Dipainum majo satokkin. Ditorushon muse manussi. Tar Hira nung naeng bot do mataniari asa mulak hami. Omak ma makkutti Abit i huhut maroppa ibotokku na huoppa nakkin. Anggo au holan piring do sihuttionku, alai jotjot do ditambahi aek di bagas ebber ni piring i. Dokdok ma attong. mangappir ma dugul-dugul. Tung apala nanget-nanget do iba mangalakka, mabiar unang marusean akka Aek i.
Damang naung mulak mangaligi hauma ma makkehei buan-buanki. Anggo among nga jolo martapian di mual na jonok tu hauma i. Mamittor marlojong ma iba tu pardahanan Lao mangaloppa indahan. Huhut ma iba manutu lasiak asa adong donganni loppan Lao mangan.
Songonima masa manipat ari.
BADA DI HALAK HITA
Sian parrohaon, talu do hita Batak maradophon akka dongan di luat na asing.
Ummura do hita manganju jala dianju. Mura do tong dipadugu-dugu tu dongan jolma
na asing. Sada hata boi do gabe tolu. Molo haccit roha, maol do malum anggo so
ditikkina. Alai Anggo marbada, ummalo do hita.
Di Sada tikki, dohot ma au diparpunguan parmargaon. Huparrohahon ma na deba makkata-hatai, adong na martata, adong na sai maos paune-une parhundulna. Attar songon au ma ra i. Ura mangappir pat molo hundul.
Di na makkata-hatai on, tung mancai tabo do idaon. Hupaihut-ihut ma sarita i. Niparekkelan akka na geok di roha. Songgot ma holip hatani sada Ina na mandok, “Nga marsahit hombar jabukki. Tumagon mate ma nian i. Ai sude do diattoi i. Suda ari-arina holan lao pahata-hata donganna”
Di Sada tikki, dohot ma au diparpunguan parmargaon. Huparrohahon ma na deba makkata-hatai, adong na martata, adong na sai maos paune-une parhundulna. Attar songon au ma ra i. Ura mangappir pat molo hundul.
Di na makkata-hatai on, tung mancai tabo do idaon. Hupaihut-ihut ma sarita i. Niparekkelan akka na geok di roha. Songgot ma holip hatani sada Ina na mandok, “Nga marsahit hombar jabukki. Tumagon mate ma nian i. Ai sude do diattoi i. Suda ari-arina holan lao pahata-hata donganna”
Tung apala posi do begeon hata on. Ro ma hata sian nasada, “Tung boha do
poang sogo ni roham umbahen na didok ho songoni?”
“Ido eda. Mancai sogo rohakku marnida i. So iboto tumbana. Sai songon naung
denggan do ngoluna sian akka jolma naasing. Na so sihataon pe ikkon hatahonon
ni on do tu saluhut jolma. Maradu ditambai hata asa gabe marganjang. Songon siboto
surat ma idaon.
“Toho ma nian anggo i eda. Marbada pe ditagi roha ni on do. Jala ikkon
hatana do na tikkos. Alai dang pola ra tangiakkonotton ibana tu na roa. Pasadi ma i. Tatangiakkon
ma ibana asa malum, asa muba parrohaonnai. Ai so adong laba ni tu hita”
Tidak ada komentar:
Posting Komentar